លោកឧត្តមសេនីយ៍ត្រី ម៉េង ស្រ៊ុន មេបញ្ជាការ បានអញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងារប្រចាំខែមិថុនា និងរបាយការណ៍ឆមាសទីមួយ លើកទិសដៅការងារបន្តឆ្នាំ២០២៦

(កំពង់ស្ពឺ)៖ នៅថ្ងៃទី១៦ ខែមិថុនា ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងារប្រចាំមិថុនា និងរបាយការណ៍ឆមាសទី១លើកទិសដៅការងារបន្ត​ ឆ្នាំ២០២៦ ស្ថិតនៅសាលប្រជុំបញ្ជាការដ្ឋានកងរាជអាវុធហត្ថខេត្តកំពង់ស្ពឺ។ក្នុងកិច្ចប្រជុំនេះ មានការចូលរួមពីសំណាក់ លោកមេបញ្ជាការរង,សេនាធិការរង,ប្រធាន-អនុប្រធានមន្ទីរ,នាយ-នាយរងការិយាល័យ,មេបញ្ជាការកងអនុសេនាធំ,មេបញ្ជាការក្រុង-ស្រុក ប្រធានស្នាក់ការ ព្រមទាំងនាយទាហាន នាយទាហានរង ចូលរួមផងដែរ។ក្នុង​កិច្ច​ប្រជុំ​ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ​ បានអនុញាតិឲ្យលោកមេបញ្ជាការរង​ ទទួលជំនាញសម្ភារបច្ចេកទេស​​ លើកឡើងពីចំណុចល្អដែលកម្លាំងក្នុងមន្ទីរទាំងអស់សម្រេចបាន និងបានដាក់ទិសដៅបន្ត​ ដើម្បីពង្រឹងការងារក្នុងមន្ទីរឲ្យកាន់តែមានប្រសិទ្ធភាពបន្ថែមទៀតផងដែរ។

ថ្លែង​នា​ពេលនោះដែរ លោកឧត្តមសេនីយ៍​ ម៉េង ស្រ៊ុន បានលើកឡើងនៅស្នាដៃដែលទាហាន​​ នាយទាហានរងទាំងអស់​​ បានខិតខំប្រឹងប្រែង ព្យាយាមលះបង់កម្លាំងកាយចិត្តបំពេញនូវតួនាទីបានយ៉ាងល្អ ហើយក៏បានដាក់ទិសដៅបន្តគឺសូមឱ្យនាយទាហានទាំងអស់បន្តខិតខំប្រឹងប្រែងនិងតួនាទីភារកិច្ចបន្ថែមទៀត,បន្តពង្រឹងការផ្សព្វផ្សាយលេខទូរស័ព្ទអន្តរាគមន៏សង្គ្រាះបន្ទាន់ hotline 1292 បន្ថែមទៀតដើម្បីឲ្យប្រជាពលរដ្ឋបានយល់ពីសារៈសំខាន់​អោយបានកាន់តែច្រើនបន្ថែមទៀត,បន្តពង្រឹងការងារស្រាវជ្រាវបង្ក្រាបនិងអនុវត្តឲ្យបានត្រឹមត្រូវ,ពង្រឹងការងារព័ត៌មានសន្តិសុខកម្លាំងជំនាញត្រូវក្តាប់ឱ្យបាននៅរាល់ព័ត៌មានឲ្យបានជូនលោកមេបញ្ជាការ​,នាយទាហានទាំងអស់ត្រូវយកចិត្តទុកដាក់លើការគោរពវិន័យក្រមសីលធម៌ និងវិជ្ជាជីវៈឲ្យបានត្រឹមត្រូវ ជាពិសេសបទបញ្ជាផ្ទៃក្នុងអង្គភាពឲ្យបានល្អ​​ និងត្រូវមានសាមគ្គី ស្រឡាញ់គោរពអោយតម្លៃគ្នា បំពេញការងារជូនអង្គភាពហើយបានល្អ ដើម្បីអង្គភាពយើងទាំងអស់គ្នា។

មុននឹងបញ្ចប់លោកឧត្តមសេនីយ៍​ ម៉េង ស្រ៊ុន បានអរគុណដល់នាយទាហាន នាយទាហានរងទាំងអស់ដែលបានខិតខំប្រឹងប្រែងនិងលះបង់នៅក្តីសុខផ្ទាល់ខ្លួននិងភាពហត់នឿយបំពេញនៅតួនាទីភារកិច្ចបានយ៉ាងល្អនិងបានជូនពរដល់នាយទាហាន​ នាយទាហានរងទាំងអស់ ព្រមទាំងក្រុមគ្រួសារសូមឲ្យមានសុខភាពល្អជួបតែសុភមង្គលជោគជ័យក្នុងការងារគ្រប់ភារកិច្ច៕