ល្បែងស៊ីសងមាន់ជល់អនឡាញ បង្កប់នៅក្នុងហាងកាហ្វេខាងលិចផ្សារត្រែងត្រយឹង កំពុងដំណើរការជាចំហយ៉ាងគគ្រឹកគគ្រេង

ខេត្តកំពង់ស្ពឺ៖ តាមសេចក្តីរាយការណ៍ប្រជាពលរដ្ឋបានប្រាប់មកថា ម្ចាស់ទីតាំងបនល្បែងសុីសងមាន់ជល់តាមប្រពន្ធ័អនឡាញច្រើនកន្លែង ស្ថិតនៅលើផ្លូវក្រាលកៅស៊ូ ឡើងទៅឧទ្យានជាតិគិរីរម្យ ខាងលិចផ្សារត្រែងត្រយឹងប្រហែលជា២០០ម៉ែត្រ នៅបង្កប់ក្នុងហាងលក់កាហ្វេ ស្ថិតនៅក្នុងផ្សារត្រែងត្រយឹង ឃុំត្រែងត្រយឹង និងភូមិទី ៣ ឃុំយាយម៉ៅពេជ្រនិល ស្រុកភ្នំស្រួច មានខ្នងបង្អែករឹងមាំហើយ បានជាមានឥទ្ធិពល ទើបហ៊ានធ្វើអ្វីៗតាម ទំនើងចិត្តបើកល្បែងសុីសងមាន់ជល់អនឡាញមិនខ្លាចញញើតច្បាប់និងអាជ្ញាធរមានសមត្ថកិច្ចដូច្នេះ។

ប្រភពព័ត៌មានពីប្រជាពលរដ្ឋបានបន្តទៀតថា ទីតាំងល្បែងសុីសងមាន់ជល់ តាមប្រពន្ធ័អនឡាញ មួយកន្លែងនេះ កំពុងបើកដំណើរការលេងនៅភូមិសាស្រ្តខាងលើនេះ គេសង្កេតឃើញថា កំពុងបើកដំណើរការយ៉ាងពេញបន្ទុក ពោលគឺបើកលេងរាល់ថ្ងៃ រាល់យប់ តែម្តង គេមិនដែលឃើញ មន្ត្រីអាជ្ញាធរនិងសមត្ថកិច្ចជំនាញពាក់ព័ន្ធក្នុងមូលដ្ឋាន ធ្វើការចុះបង្ក្រាប ឬទប់ ស្កាត់ ទាល់តែសោះ ។

ប្រជាពលរដ្ឋ ក្នុងភូមិផ្សារត្រែងត្រឹង ឃុំត្រែងត្រយឹង និងក្នុងភូមិទី៣ ឃុំយាយម៉ៅពេជ្រនិល ស្រុកភ្នំស្រួច បានរិះគន់ចំៗថា បើគ្មានការបើកភ្លើងខៀវឬក៏មានការឃុបឃិត គ្នា ជាប្រព័ន្ធ និងមានខ្នងបង្អែក រឹងមាំ ទេនោះ! ម្ចាស់ទីតាំងបនល្បែង និងបក្ខពួករបស់ម្ចាស់ទីតាំងខាងលើ មិនអាចសាងភាពល្បីល្បាញ បើកល្បែងសុីសងមាន់ ជល់តាមប្រពន្ធ័អនឡាញ នៅលើទឹកដី ឃុំត្រែងត្រយឹង ឃុំយាយម៉ៅពេជ្រនិល នៃស្រុកភ្នំស្រួច បានឡើយ។

តាមប្រភពព័ត៌មានដដែលបានបន្ថែមថា ល្បែងសុីសងខុសច្បាប់នេះហើយ ដែលជាដើមចមធ្វើឲ្យប្រជាពលរដ្ឋ រស់នៅមានការព្រួយបារម្ភ ជាខ្លាំង,ប្រពន្ធឈ្លោះប្រកែក ជាមួយប្ដីៗបង្កើតឲ្យមានអំពើហិង្សា រឿងចាញ់ល្បែងលក់ទ្រព្យសម្បត្តិនានា ។ ម្យ៉ាងទៀតពួកគាត់បារម្ភភ័យខ្លាច កើតមានអំពើចោរកម្ម និងបទល្មើស ផ្សេងៗ ដូចជា ចោរលួច ចោរឆក់ និងចោរប្លន់ ជា ពិសេស អំពើហិង្សា ក្នុងគ្រួសារ ជាដើម។ បនល្បែងស៊ីសងមាន់ជល់អនឡាញនេះនៅក្បែរផ្សារត្រែងត្រយឹង មិនក្រោម៥~ ៦កន្លែងនោះទេ។

ជុំវិញបញ្ហាបនល្បែងស៊ីសងមាន់ជល់តាមប្រព័ន្ធអនឡាញម្ចាស់កំពុងតែបើកដំណើរការយ៉ាងរលូនរាល់ថ្ងៃខាងលើនេះ ប្រជាពលរដ្ឋ សំណូមពរដល់លោកអធិការនគរបាលស្រុកភ្នំស្រួច និងលោកស្នងការនគរបាលខេត្តកំពង់ស្ពឺ សូមជួយចាត់មន្ត្រីក្រោមឱវាទ ចុះទប់ស្កាត់ និងបង្រ្កាប ទីតាំងល្បែងស៊ីសងតាមប្រព័ន្ធអនឡាញ ជាច្រើនកន្លែង ស្ថិតនៅក្នុងភូមិផ្សារត្រែងត្រយឹង ឃុំត្រែងត្រយឹង និងក្នុងភូមិទី៣ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺផង ដើម្បី ឱ្យស្របទៅតាមគោលនយោបាយ-ភូមិ-ឃុំ-សង្កាត់-មានសុវត្ថិភាព ទាំង៧ចំណុច របស់ រាជរដ្ឋាភិបាល ដែលបានកំណត់ និងដាក់ចេញឲ្យ មន្ត្រីថ្នាក់ក្រោមជាតិ អនុវត្ត ទប់ស្កាត់ និងបង្ក្រាប ទីតាំងល្បែងស៊ីសង គ្រប់ប្រភេទនៅទូទាំងប្រទេសកន្លងមកនោះ៕

(សូមអានបន្ត)

ក្រសួងព័ត៌មានបើកកិច្ចប្រជុំករណីប្តឹងស្ត្រីអ្នកលក់ទំនិញអនឡាញម្នាក់ ដែលបានប្រមាថ មើលងាយអ្នកសារព័ត៌មានថា ជាអ្នកបំពុលសង្គម ៨០ភាគរយ

ភ្នំពេញ÷នៅវេលាម៉ោង២រសៀល ថ្ងៃទី០៧ ខែឧសភា ឆ្នាំ២០២៥ ក្រោមអធិបតីភាព ឯកឧត្តម ឈុំ សុជាតិ រដ្ឋលេខាធិការក្រសួងព័ត៌មាន ,លោក ទេស វិបុល ប្រធាន និង លោក ថាំង ប៊ុនសុង អគ្គលេខាធិការ សមាគមសេរីភាពអ្នកសារព័ត៌មានកម្ពុជា ចូលរួមប្រជុំនៅ ក្រសួងព័ត៌មាន ដើម្បីពិភាក្សាលើការពង្រឹង និងដោះស្រាយ ពាក្យបណ្តឹងរបស់សមាគម ដែលបានប្តឹងស្ត្រីអ្នកលក់ទំនិញអនឡាញម្នាក់ ដែលបានប្រមាថ មើលងាយអ្នកសារព័ត៌មានថា ជាអ្នកបំពុលសង្គម ៨០ភាគរយ។

នៅក្នុងកិច្ចប្រជុំនោះ ស្ត្រីអ្នកលក់ទំនិញអនឡាញដែលប្រមាថ មើលងាយអ្នកសារព័ត៌មានថា ជាអ្នកបំពុល សង្គម៨០ភាគរយនោះមិនបានចូលរួមទេ។ ក្រសួង ព័ត៌មាននិងសមាគមសេរីភាពអ្នកសារព័ត៌មានកម្ពុជារំពឹងថា កិច្ចប្រជុំលើកក្រោយស្ត្រីខាងលើនឹងចូលរួមដើម្បីបង្ហាញឆន្ទៈអំពីការស្វែងរកដំណោះ ស្រាយ។

សូមបញ្ជាក់ថា កាលពីថ្ងៃទី២៤ ខែមេសា ឆ្នាំ២០២៥ លោក ទេស វិបុល ប្រធាន សមាគមសេរីភាពអ្នក សារព័ត៌មានកម្ពុជា បានធ្វើលិខិតមួយច្បាប់ គោរពជូន ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ដើម្បីសុំឱ្យក្រសួងព័ត៌មានត្រួតពិនិត្យ និងចាត់វិធានការលើស្ត្រីអ្នកលក់ទំនិញអនឡាញម្នាក់ដែលបានប្រើហ្វេសប៊ុកផេកឈ្មោះ MADAM DA (ម៉ាដាមដា) ផ្សាយផ្ទាល់ និងបង្ហោះវីដេអូ កាលពីថ្ងៃទី២០និង២១ ខែមេសា ឆ្នាំ ២០២៥ ប្រមាថមើលងាយអ្នកសារព័ត៌មានថា ជាអ្នកបំពុលសង្គមចំនួន៨០ភាគរយ៕

(សូមអានបន្ត)

ឯកឧត្តម នេត្រ ភក្ត្រា ដឹកនាំគណៈប្រតិភូក្រសួងព័ត៌មានចូលរួមកិច្ចប្រជុំរដ្ឋមន្ត្រីទទួលបន្ទុកព័ត៌មានអាស៊ាន លើកទី១៧ និងកិច្ចប្រជុំពាក់ព័ន្ធ នៅប្រទេសព្រុយណេ

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាននៃព្រះរាជាណាចក្រកម្ពុជា បានដឹកនាំគណៈប្រតិភូក្រសួងព័ត៌មាន ចូលរួមកិច្ចប្រជុំរដ្ឋមន្ត្រីទទួលបន្ទុកព័ត៌មានអាស៊ានលើកទី១៧ (17th AMRI) និងកិច្ចប្រជុំពាក់ព័ន្ធ ក្នុងឋានៈកម្ពុជាជាអនុប្រធាននៃកិច្ចប្រជុំនៅប្រទេសព្រុយណេដារូស្សាឡាម ចាប់ពីថ្ងៃទី៧ ដល់ថ្ងៃទី៩ ខែឧសភា ឆ្នាំ២០២៥។

ក្នុងនាមជាប្រធាននៃកិច្ចប្រជុំ ប្រទេសព្រុយណេបានរៀបចំសន្និសីទនេះឡើងក្រោមប្រធានបទ «ប្រព័ន្ធផ្សព្វផ្សាយជំរុញការយល់ដឹងរួម៖ ការផ្លាស់ប្តូរតួនាទីរបស់ប្រព័ន្ធផ្សព្វផ្សាយក្នុងការជំរុញកិច្ចសហប្រតិបត្តិការ និងការយល់ដឹងគ្នាទៅវិញទៅមកនៅក្នុងអាស៊ាន MAJU» ដែលសង្កត់ធ្ងន់ទៅលើតួនាទីវិវត្តនៃប្រព័ន្ធផ្សព្វផ្សាយក្នុងការពង្រឹងកិច្ចសហប្រតិបត្តិការក្នុងតំបន់ អត្តសញ្ញាណ និងការយោគយល់គ្នាទៅវិញទៅមក។ កិច្ចប្រជុំនេះ មានការចូលរួមពីសំណាក់រដ្ឋសមាជិកអាស៊ានទាំងអស់ ប្រទេសទីម័រខាងកើត ប្រទេសចិន ជប៉ុន សាធារណរដ្ឋកូរ៉េ និងលេខាធិការដ្ឋានអាស៊ាន។

នៅក្នុងព្រះរាជសុន្ទរកថាបើកកិច្ចប្រជុំ ព្រះអង្គម្ចាស់ HAJI AL-MUHTADEE BILLAH  IBNI HIS MAJESTY SULTAN HAJI HASSANAL BOLKIAH MU’IZZADDIN WADDAULAH ជាព្រះរជ្ជទាយាទ និងជាទេសរដ្ឋមន្ត្រីនៃទីស្តីការនាយករដ្ឋមន្ត្រីនៃប្រទេសព្រុយណេ បានមានបន្ទូលគូសបញ្ជាក់ពីសារៈសំខាន់នៃការចូលរួមប្រព័ន្ធផ្សព្វផ្សាយជាយុទ្ធសាស្ត្រក្នុងការលើកកម្ពស់មជ្ឈភាពអាស៊ាន។

គួរបញ្ជាក់ថា ប្រទេសកម្ពុជានឹងទទួលធ្វើជាប្រធានប្តូរវេននៃកិច្ចប្រជុំ AMRI លើកទី១៨ នៅឆ្នាំ២០២៧ខាងមុខ។

រូបថតដោយ ឡុង ដេវីត

(សូមអានបន្ត)

ឈ្មួញកាយអាចម៍ដីលក់ ឈន ឈាន កំពុងជីកកកាយព្រែក៦មករា ក្នុងឃុំព្រៃផ្គាំ ស្រុកអង្គរបុរី បង្កហានិភ័យដល់ដីស្រែពលរដ្ឋជិតខាង

ខេត្តតាកែវ÷ សកម្មភាពជីកកកាយយកអាចម៍ដីពីព្រែក៦មករា ថិតនៅ ក្នុងភូមិព្រៃផ្គាំ ឃុំព្រៃផ្គាំ ស្រុកអង្គរបុរី ខេត្តតាកែវ កំពុងបង្កហានិភ័យដល់ដីស្រែប្រជាពលរដ្ឋជិតខាង នៅជាប់ប្រឡាយនោះ ក្នុងពេលដែលឈ្មួញឈ្មោះឈន ឈាន កំពុងកើបលុយតាមរយៈការលក់អាចម៍ដីរាប់រយឡានក្នុង១ថ្ងៃៗ។ រីឯ អាជ្ញាធររដ្ឋបាលស្រុកអង្គរបុរី ជំរុញឲ្យអ្នកកាសែតទៅជួបដោយផ្ទាល់នៅសាលាស្រុក បើចង់ដឹងរឿងច្បាស់លាស់។

នៅព្រឹកថ្ងៃទី២៩ ខែមេសា ឆ្នាំ២០២៥ ក្រុមអ្នកកាសែតបានឃើញទិដ្ឋភាពផ្ទាល់ នៃការកំពុងជីកកកាយយកអាចម៍ដីលក់ បែបអាណាធិបតេយ្យ របស់ឈ្មួញឈ្មោះឈន ឈាន នៅចំណុចព្រែក៦មករា នៃទីតាំងភូមិឃុំខាងលើ។ មិនតែប៉ុណ្ណោះក្រុមរថយន្តដឹកដីទាំងនោះបែរជាមកចាក់លុបព្រែកខាងលើនេះ ឲ្យម្ចាស់ខ្ចុះមួយកន្លែងនៅលើព្រែកនេះទៅវិញ។ ប្រជាពលរដ្ឋនិយាយថា តាមច្បាប់មិនអនុញ្ញាតឲ្យចាក់ដីដើម្បីលុបព្រែកនេះទេ។

នៅទីនេះ គឺឈ្មួញកំពុងជីកកកាយយកអាចម៍ដីពីព្រែកនៅចំណុចទីតាំងមួយកន្លែងហើយយកមកចាក់ទៅលើខ្ចុះមួយកន្លែងទៀត នៅក្នុងព្រែកដដែលនេះ។ នេះគឺជាទង្វើនៃការល្មើសច្បាប់ទ្វេគុណ ដែលនោះគឺការជីកកកាយយកអាចម៍ដីខុសបទដ្ឋានបច្ចេកទេសនោះផង និងការយកមកចាក់លុបលើចំណីព្រែក៦មករានេះផង។

ការជីកយកអាចម៍ដីដែលមានជម្រៅជ្រៅ ខុសបទដ្ឋានបច្ចេកទេស,មិនសមស្របលក្ខណៈបច្ចេកទេសនេះបង្កឲ្យមានហានិភ័យយ៉ាងខ្លាំងដល់ ផ្ទៃដីស្រែប្រជាពលរដ្ឋដែលនៅជិតខាងព្រែក៦មករាក្នុងភូមិសាស្ត្រ ភូមិ-ឃុំខាងលើនេះ។ ប្រជាពលរដ្ឋដែលមានដីស្រែនៅតំបន់ព្រែកខាងលើនេះ ធ្លាប់ប្រតិកម្មប្ដឹងផ្ដល់ឱ្យអាជ្ញាធរមាន សមត្ថកិច្ចមូលដ្ឋានជួយដោះស្រាយផងដែរ ប៉ុន្តែហាក់មិនមានប្រសិទ្ធភាពចំពោះទង្វើល្មើសច្បាប់របស់ឈ្មួញឈន ឈាន នេះឡើយ។ទង្វើការជីកកកាយយកអាចម៍ ដីនេះគឺមិនសមស្របតាមអ្វីដែលគេហៅថា បទដ្ឋានបច្ចេកទេសនោះទេ។

ម្ចាស់គ្រឿងចក្រ,ការដ្ឋានរណ្ដៅដីការយកអាចម៍ដីខាង លើលោកឈន ឈានអះអាងថា ការជីកកកាយយកអាចម៍ដីលក់បានលុយស្រួលៗនេះ គឺមានការអនុញ្ញាតច្បាប់ទម្លាប់ត្រឹមត្រូវចេញដោយរដ្ឋបាលស្រុកអង្គរបុរីលោករស់ ប៊ុនធឿន។ ជាមួយនោះលោកក៏បានបដិសេធផងដែរថា គ្រឿងចាក់របស់លោកមិនបានដឹកដីទៅចាក់លុបព្រែកនៅទីតាំងខ្ចុះមួយកន្លែងនោះ ដែលជាទង្វើខុសច្បាប់នោះទេ។

លោករស់ រត្ន អភិបាលស្ដីទីស្រុកអង្គរបុរីបានប្រាប់អ្នក កាសែតថា កំពុងជាប់រវល់ចូលរួមសម្ពោធផ្លូវដូច្នេះតម្រូវឲ្យអ្នកកាសែតទៅសួរនាំព័ត៌មាននៅរដ្ឋបាលស្រុកអង្គរបុរីដោយផ្ទាល់តែម្ដងទៅ៕

(សូមអានបន្ត)

មហាជនសំណូមពរដល់ លោកចៅហ្វាយស្រុកខ្សាច់កណ្ដាល គួរមានវិធានការ ចំពោះក្រុមឈ្មួញដឹកអាចម៍ដី ទាំងឡាយណា នៅស្រុកខ្សាច់កណ្តាល ដែលមិនបានគ្របប៉ាតង់

ខេត្តកណ្ដាល÷ក្រុមឈ្មញជីកនិងដឹកអាចម៍ដី មានអាជ្ញាប័ណ្ណស្របច្បាប់ ចេញដោយលោកចេង ឌីណា ចៅហ្វាយស្រុកខ្សាច់កណ្តាល ឲ្យបុគ្គលឈ្មោះណឹម ណេង បានធ្វើសកម្មភាពដឹកអាចម៍ដី យ៉ាងគគ្រឹកគ្រេង ក្នុងនោះមហាជន តែងតែឃើញសកម្មភាពឡានដីកអាចម៍ដី មិនគ្របប៉ាតង់នោះទេ?ធ្វើឲ្យអ្នកធ្វើដំណើរ មានការព្រួយបារម្ភ ខ្លាចអាចម៍ដី ធ្លាក់ទៅលើឡានម៉ូតូរបស់ពួកគាត់។

សូមជម្រាបថា លោកចេង ឌីណា បានចេញអាជ្ញាប័ណ្ណ ឲ្យបុគ្គលឈ្មោះណឹម ណេត មានទីតាំងស្ថិតនៅក្នុងភូមិស្វាយ ដំណាក់ ឃុំស្វាយរមៀត ស្រុកខ្សាច់កណ្តាល ខេត្តកណ្តាល ដោយបុគ្គលឈ្មោះណឹម ណេត មិនបានបំពាន ទៅលើអាជ្ញាប័ណ្ណ ជីកនិងដឹកអាចម៍ដីនោះទេ? ប៉ុន្តែសកម្មភាពឡានដឹកអាចម៍ដី របស់បុគ្គលណឹម ណេត មិនបានគ្របប៉ាតង់ ឲ្យបានត្រឹមត្រូវនោះទេ?ធ្វើឲ្យអ្នកធ្វើដំណើរមានការព្រួយបារម្ភ ខ្លាចអាចម៍ដីនធ្លាក់ទៅលើម៉តូនិងឡានរបស់ពួកគាត់។

ពាក់ព័ន្ធជុំវិញករណីខាងលើនេះ មហាជន បានសំណូមពរដល់លោកចេង ឌីណា មេត្តាចាត់វិធានការ ឲ្យបានតឹងរឹងបន្តិចចំពោះក្រុមឈ្មួញដឹកអាចម៍ដីទាំងឡាយណា ដែលធ្វើសកម្មភាពដឹកអាចម៍ដីមិនគ្របប៉ាតង់ ដែលធ្វើអាជីវកម្ម នៅទូទាំងស្រុកខ្សាច់កណ្តាល។ សូមជម្រាបថា សកម្មភាពឡានដឹកអាចម៍ដីរបស់បុគ្គលណឹម ណេត មិនគ្របប៉ាតង់ លោកចេង ឌីណា បានឲ្យដឹងថា អរគុណចាំណែនាំអោយគាត់គ្រប។

(សូមអានបន្ត)

ខេត្តកំពង់ស្ពឺ ៖ ទីតាំងជលមាន់តាមអនឡាញកំពុងបើកដំណើរការលេងភ្នាល់ជារៀងរាល់ថ្ងៃ ដោយមិនរំខានពីសមត្ថកិច្ចឡើយ សង្ស័យជាឆ្នាំបាយពួកគាត់។ជាក់ស្តែងទីតាំងទី១ នៅតារាងបាល់ទះ ម្ចាស់ ផ្ទះឈ្មោះ តិល ស្ថិតភូមិចេក ឃុំស្តុក ស្រុកគង់ពិសី ខេត្តកំពង់ស្ពឺ។ ទីតាំងទី២ នៅតារាងបាល់ទះម្ចាស់ឈ្មោះ វណ្ណៈ ភូមិត្រពាំងដា ឃុំស្នំក្រពើ ស្រុកគង់ពិសី ខេត្តកំពង់ស្ពឺ។

 ទីតាំងទី៣.ម្ចាស់ផ្ទះឈ្មោះ លោកស្រី ពៅ អួក ភូមិថ្មស ឃុំស្នំក្រពើ ស្រុកគង់ពិសី ខេត្តកំពង់ស្ពឺ។ ពាក់ព័ន្ធនិងល្បែងស៊ីសងតាមប្រព័ន្ធអន់ឡាញនេះដែរ ប្រជាពលរដ្ឋសូមសំណូមពរ ទៅលោកជាម ចន្ទ័សោភ័ណ្ឌ អភិបាល នៃគណៈអភិបាលខេត្តកំពង់ស្ពឺ សូមជួយពិនិត្យមើលផង ពិសេសសូមលោកមេត្តាដុះក្អែលលោកអភិបាលស្រុកគង់ពិសី និងលោក យ៉ាង សុខលី អធិការនគរបាលស្រុកគង់ពិសីផងទាន ដើម្បីពលរដ្ឋមានភាពកក់ក្តៅ ពាក់ព័ន្ធភូមិឃុំមានសុវត្ថិភាព។

 ពលរដ្ឋលើកឡើងថា កន្លងមកស្ងាត់មួយរយៈហើយ ទើបតែពេលនេះកើតមានល្បែងអនឡាញជាថ្មីបើកនៅមូលដ្ឋានរបស់ពួកគាត់ឡើងវិញ។ ប្រជាពលរដ្ឋសូមសំណូមពរដល់មន្ត្រី និងស្ថាប័នពាក់ព័ន្ធ សូមចាត់វិធានការក្តៅ កុំឱ្យមានល្បែងអនឡាញ និងមាន់ជល់អនឡាញស៊ីសងនៅខេត្តកំពង់ស្ពឺ ព្រោះមួយរយៈនេះ មានប្រជាពលរដ្ឋលេងល្បែងស៊ីសងច្រើនណាស់។សូមរំឮកដែរថា កន្លងមក ប្រមុខថ្នាក់ដឹកនាំ ក៏ដូចជា ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ធ្លាប់បានចេញសេចក្តីប្រកាស ឲ្យអភិបាលរាជធានី ខេត្ត ក្រុងទូទាំងប្រទេស ត្រូវបិទទាំងស្រុងរាល់ល្បែងស៊ីសងគ្រប់ប្រភេទ មិនថាលេងផ្ទាល់ រឺលេងតាមប្រព័ន្ធអនឡាញ។

ស្រុកគង់ពិសី ខេត្តកំពង់ស្ពឺ មានល្បែងមាន់ជល់តាមអនឡាញជាច្រើនកន្លែង ដោយមិនមានការរំខាន ពីសមត្ថកិច្ច

ខេត្តកំពង់ស្ពឺ ៖ ទីតាំងជលមាន់តាមអនឡាញកំពុងបើកដំណើរការលេងភ្នាល់ជារៀងរាល់ថ្ងៃ ដោយមិនរំខានពីសមត្ថកិច្ចឡើយ សង្ស័យជាឆ្នាំបាយពួកគាត់។ជាក់ស្តែងទីតាំងទី១ នៅតារាងបាល់ទះ ម្ចាស់ ផ្ទះឈ្មោះ តិល ស្ថិតភូមិចេក ឃុំស្តុក ស្រុកគង់ពិសី ខេត្តកំពង់ស្ពឺ។ ទីតាំងទី២ នៅតារាងបាល់ទះម្ចាស់ឈ្មោះ វណ្ណៈ ភូមិត្រពាំងដា ឃុំស្នំក្រពើ ស្រុកគង់ពិសី ខេត្តកំពង់ស្ពឺ។

 ទីតាំងទី៣.ម្ចាស់ផ្ទះឈ្មោះ លោកស្រី ពៅ អួក ភូមិថ្មស ឃុំស្នំក្រពើ ស្រុកគង់ពិសី ខេត្តកំពង់ស្ពឺ។ ពាក់ព័ន្ធនិងល្បែងស៊ីសងតាមប្រព័ន្ធអន់ឡាញនេះដែរ ប្រជាពលរដ្ឋសូមសំណូមពរ ទៅលោកជាម ចន្ទ័សោភ័ណ្ឌ អភិបាល នៃគណៈអភិបាលខេត្តកំពង់ស្ពឺ សូមជួយពិនិត្យមើលផង ពិសេសសូមលោកមេត្តាដុះក្អែលលោកអភិបាលស្រុកគង់ពិសី និងលោក យ៉ាង សុខលី អធិការនគរបាលស្រុកគង់ពិសីផងទាន ដើម្បីពលរដ្ឋមានភាពកក់ក្តៅ ពាក់ព័ន្ធភូមិឃុំមានសុវត្ថិភាព។

 ពលរដ្ឋលើកឡើងថា កន្លងមកស្ងាត់មួយរយៈហើយ ទើបតែពេលនេះកើតមានល្បែងអនឡាញជាថ្មីបើកនៅមូលដ្ឋានរបស់ពួកគាត់ឡើងវិញ។ ប្រជាពលរដ្ឋសូមសំណូមពរដល់មន្ត្រី និងស្ថាប័នពាក់ព័ន្ធ សូមចាត់វិធានការក្តៅ កុំឱ្យមានល្បែងអនឡាញ និងមាន់ជល់អនឡាញស៊ីសងនៅខេត្តកំពង់ស្ពឺ ព្រោះមួយរយៈនេះ មានប្រជាពលរដ្ឋលេងល្បែងស៊ីសងច្រើនណាស់។សូមរំឮកដែរថា កន្លងមក ប្រមុខថ្នាក់ដឹកនាំ ក៏ដូចជា ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ធ្លាប់បានចេញសេចក្តីប្រកាស ឲ្យអភិបាលរាជធានី ខេត្ត ក្រុងទូទាំងប្រទេស ត្រូវបិទទាំងស្រុងរាល់ល្បែងស៊ីសងគ្រប់ប្រភេទ មិនថាលេងផ្ទាល់ រឺលេងតាមប្រព័ន្ធអនឡាញ។

(សូមអានបន្ត)